မြန်မာစာ စကားရေးသားမှုများနဲ့ ပတ်သက်ပြီး ရှင်းလင်းပြသသွားသည့် IT ပိုင်းဆိုင်ရာ Language Processing

လက်ရှိ မြန်မာနိုင်ငံမှာ ဘာသာစကားနဲ့ လွယ်လင့်တကူ အသုံးပြုနိုင်ဖို့ တီထွင်မှုများ ပြုလုပ်သူများအနေနဲ့ မြန်မာစာစကား ရေးသားမှုများနဲ့ ပတ်သက်ပြီး အခြေခံ သိထားသင့်တဲ့ Language Processing ပိုင်းဆိုင်ရာ ရှင်းလင်းပြောပြမှုတွေကို ဇွန်လ (၁၈)ရက်နေ့က မြန်မာအင်ဖိုတက်မှာ ကွန်ပျူတာအသုံး မြန်မာစာစနစ် အကောင်အထည်ဖော်ခြင်းအဖွဲ့မှ ပြုလုပ်သွားတယ်လို့ သိရပါတယ်။

Language Processing မြန်မာစာ တက်မြောက်သူတိုင်း ကွန်ပျူတာကို အသုံးပြုကာ သတင်းအချက်အလက်တွေ ရယူအသုံးချနိုင်စေဖို့အတွက် Program ရေးသား code လုပ်ကြရာမှာ အခြေခံ အကြဆုံးဖြစ်တယ်လို့ သိရပါတယ်။ နယ်ပယ်အသီးသီးမှာ ကွန်ပျူတာသုံးစနစ်တွေကို မြန်မာဘာသာနဲ့ အသုံးချနိုင်ဖို့ အဓိကရည်ရွယ်တဲ့ ကွန်ပျူတာသုံး မြန်မာစနစ် အကောင်အထည်ဖော်ခြင်း လုပ်ငန်းစဉ်တွေဟာ အမျိုးသားအဆင့်လုပ်ငန်းတွေ ဖြစ်တာမို့ အားလုံးပူးပေါင်းပါဝင် ဆောင်ရွက်ဖို့လည်း ဖိတ်ခေါ်ထားတယ်လို့ သိရပါတယ်။

ဒါ့အပြင် လက်ရှိမှာ ထိုင်းနိုင်ငံနဲ့ ဗီယက်နမ်နိုင်ငံတွေမှာ ကွန်ပျူတာကြားခံသုံးကာ မိမိတို့ ဘာသာစကားနဲ့ ဘာသာပြန်ပေးနိုင်တဲ့စနစ်ကို အသုံးပြုနေကြ သလို ပြည်တွင်းမှာလည်း အင်္ဂလိပ်လို ပြောဆိုမှုကို မြန်မာဘာသာစကားနဲ့ တိုက်ရိုက်ပြောဆိုမှု အသံတိုင်း ပြန်ရကြားရဖို့ ကြိုးစား ပြုလုပ်တီထွင်လျက် ရှိကြတယ်လို့လည်း သိရှိရပါတယ်။   Ref:MRTV-4

ဆယ်စုနှစ်၏ အကောင်းဆုံးနည်းပညာများ (သို့မဟုတ်) ဆယ်စုနှစ်ဒိုင်ယာရီ

ဆယ်စုနှစ်တစ်ခုဖြစ်တဲ့ ၂၀၀၀ ခုနှစ်ကနေ ၂၀၁၀ - ၁၁ခုနှစ်ကာလအတွင်းမှာ ဆန်းသစ်တဲ့တီထွင်ဖန်တီးမှုတွေနဲ့ပြည့်နှက်ခဲ့ပြီး ထွက်ရှိလာခဲ့တဲ့ထုတ်ကုန် တွေ၊ ၀န်ဆောင်မှုတွေနဲ့ နည်းပညာတွေဟာလည်း မမှတ်မိနိုင်တော့လောက်အောင်ကို များပြားခဲ့ပါတယ်။ အဲ့ဒီလိုများပြားလှတဲ့ ထုတ်ကုန်တွေ၊ ၀န်ဆောင်မှုတွေနဲ့ နည်းပညာတွေထဲမှာမှ အောင်မြင်ကျော်ကြားခဲ့တဲ့ နည်းပညာထုတ်ကုန်နဲ့ ၀န်ဆောင်မှုတွေကို ဖော်ပြလိုက်ပါတယ်။ တကယ်တော့ ဒီနည်းပညာတွေဟာ နည်းပညာခေတ်ကို ပြောင်းလဲအောင်ဝိုင်းဝန်ပုံဖော်ပေးနေကြတဲ့ အမှတ်ရဖွယ်မှတ်တိုင်တွေပါပဲ။ ဒီမှာမပါတဲ့ သို့မဟုတ်မပါသေးတဲ့ အရာတွေလည်းရှိနေပါသေးတယ်။ ဒီနည်းပညာတွေဟာ လူသမိုင်းဒိုင်ယာရီထဲက ဒိုင်ယာရီတစ်ခုပါပဲ။

Apple iPhone

ဆယ်စုနှစ်အတွင်းမှာ အံအားသင့်ဖွယ်ကောင်းတဲ့ နည်းပညာထုတ်ကုန်တွေဟာ မရေတွက်နိုင်လောက်အောင် ထွက်ပေါ်လာခဲ့ပေမယ့် စတိဗ်ဂျော့ဘ် ရဲ့မှော်အစွမ်းနဲ့ပြုလုပ်ထားတဲ့ iPhone ကတော့ လူကြိုက်အများဆုံး နည်းပညာထုတ်ကုန်တစ်ခုဖြစ်လာပါတယ်။ ပထမဦးဆုံး iPhone စမတ်ဖုန်းကို ၂၀၀၇ ခုနှစ် ဇွန်လ ၂၉ ရက်မှာစတင်ရောင်းချခဲ့ချိန်မှ ယခုအချိန်အထိ အလုံးရေ သန်း ၄၀ နီးပါးရောင်းချခဲ့ရပြီးဖြစ်ပါတယ်။ လက်ရှိ iPhone ဗားရှင်းဟာလည်း စကားပြောရင်း အင်တာနက်အသုံးပြုခြင်း၊ video chat ပြုလုပ်ခြင်း စတာတွေကိုပါ ပြုလုပ်နိုင်တာကြောင့် ဖုန်းတစ်လုံး ရဲ့လုပ်ဆောင်နိုင်စွမ်းကို Apple ကလုံးဝပြောင်းလဲပစ်နိုင်ခဲ့တယ်လို့ဆိုရမှာပါ။ Google Search Engine နဲ့အောင်မြင်ခဲ့တဲ့ Google ဟာ ဆယ်စုနှစ်ရဲ့ အကောင်းဆုံးဝန်ဆောင်မှုတွေထဲက တစ်ခုဖြစ်ပါတယ်။ ယခုအခါမှာတော့ search engine အပြင် အီးမေးလ်၊ ဓာတ်ပုံဝေမျှခြင်း၊ စမတ်ဖုန်း တီထွင်ခြင်း၊ မိုဘိုင်း operating system နဲ့ လမ်းကြောင်းပြမြေပုံစတဲ့ဝန်ဆောင်မှုများစွာကိုပေးနေတဲ့ စီးပွားရေးလုပ်ငန်းစုတစ်ခုဖြစ်နေပါပြီ။

GPS

၂၀၀၀ ခုနှစ်မှစတင်ကာ စစ်တပ်သုံးအဆင့်မြင့် GPS signal ကို ပြည်သူတွေအသုံးပြုနိုင်ရန်အတွက် အစိုးရကခွင့်ပြုပေးခဲ့တဲ့ GPS ကို ကားငှားရမ်း တဲ့ကုမ္ပဏီများက စတင်အသုံးပြုခဲ့ပြီး ယခုအခါမှာတော့ လူတိုင်းလိုလိုအသုံးပြုနေကြပြီဖြစ်ပါတယ်။ တိကျမှန်ကန်ပြီး မယုံနိုင်လောက် အောင် အသုံးတည့်တဲ့လမ်းကြောင်းပြကိရိယာ GPS တွေဟာ ကားမောင်းသူတွေကို ကျပ်တည်းနေတဲ့လမ်းကြောင်းတွေကနေ ရှောင်လွဲနိုင်စေပါတယ်။ ဒါ့အပြင် လက်ရှိ GPS တွေကိုဒီဇိုင်းအမျိုးမျိုးအပြင် feature အသစ်တွေထည့်သွင်းကာ ထုတ်လုပ်လျက်ရှိပါတယ်။

Social Networking Sites

ယနေ့ခေတ်မှာ လူမှုရေးကွန်ရက်ဆိုက် (Social Networking Site) များဟာ အမျိုးမျိုးထွက်ပေါ်နေပေမယ့် Facebook နဲ့ Twitter တို့ကတော့ အအောင်မြင်ဆုံးလူမှုရေးကွန်ရက်ဆိုက်များအဖြစ် ရပ်တည်ခဲ့ပြီး Facebooking, Twittering, Tweeting စတဲ့အသုံးအနှုန်းများ တွင်ကျယ်လာတဲ့ အထိ အောင်မြင်ခဲ့ပါတယ်။ ၂၀၀၄ ခုနှစ်ကစတင်ခဲ့တဲ့ Facebook မှာအသုံးပြုသူ သန်း ၅၀၀ ကျော်ရှိပြီဖြစ်ပါတယ်။

SSD အကြောင်း သိကောင်းစရာ

သင့်ရဲ့ကွန်ပျူတာမှာ booting လုပ်ရာမှာ ဒီထက်မြန်ချင်သလား၊ အရွယ်အစားကြီးမားတဲ့ ဖိုင်တွေကို လွယ်ကူ မြန်ဆန်စွာ ကိုင်တွင်ချင်သလား။ အရူးအမှုးဖြစ်နေတဲ့ ဂိမ်းတွေကို မြန်မြန်ဆန်ဆန် ကစားချင်သလား၊ ဒီလိုမြန် မြန် ဖြစ်အောင် processer လည်း မပြောင်း၊ Graphics Card လည်း မပြောင်းဘဲ လုပ်နိုင်တဲ့ နည်းလမ်းရှိပါ သေးသလားဆိုရင်တော့ Sold State Disk (SSD) တွေက အဖြေပဲ ဖြစ်ပါလိမ့်မယ်။

SSD တွေဟာ လှုပ်ရှား လည်ပတ်ပတ်တဲ့ အစိတ်အပိုင်းတွေအပေါ် အားမကိုပဲ non-mechanical design ဖြစ်တာကြောင့် လက်ရှိ HDD တွေထက် အဆပေါင်းများစွာ ပိုပြန်ပါတယ်။ လှုပ်ရှား လည်ပတ်တဲ့ အစိတ်အပိုင်းတစ်ခုမှ မပါခြင်းဟာ လွတ်ကျဆောင့်ကျ တုန်ခါမှုဒဏ် အကြမ်းပတမ်း ခံနိုင်တဲ့ဆိုတဲ့ အဓိပ္ပါယ်သက် ရောက်ပါတယ်။ အပူချိန်မြင့်မြင့် ဒဏ်ကိုလည်း ခံနိုင်ရည်ရှိ လာတယ်။ အပူလွန်ကဲလာရင် HDDလုပ်ဆောင် ချက်တွေ ကမောက်ကမ ဖြစ်လာနိုင် ပါတယ်။ နောက်ထပ် အားသက်ချက် တစ်ရပ်ကတော့ အလွန်သိပ် သည်းကျစ်လစ်စွာ ထုတ်လုပ်နိုင်ခြင်း နှင့် လျှပ်စစ်အား အလွန်သက် သာခြင်းဖြစ်ပါတယ်။ ဒါကြောင့် ပီစီ ထုတ်လုပ်သူတွေအနေနဲ့ ပိုပြီး Compact ဖြစ်တဲ့ Form Factors တွေနဲ့ ထုတ်လုပ် လာနိုင်စေပါတယ်။

Cloud Computing ဟု ဆိုရာဝယ်…..

Cloud Computing ကို နည်းပညာနယ်ပယ်မှာ ရှိကြတဲ့လူအများ အတွက်တော့ နားယဉ်နေတဲ့ အခေါ် အဝေါ်တစ်ခု ဖြစ်ပါလိမ့်မယ်။ ဒါပေမယ့် နည်းပညာပြင်ပကလူအများအတွက်တော့ Cloud Computing ဆိုတာ တိမ်တွေပေါ်မှာ တည်ဆောက်တဲ့ အရာတွေလိုမျိုး ထင်ယောင်ထင်မှား ဖြစ်သွား စေနိုင်ပါတယ်။ Cloud ဆိုတဲ့ တိမ်တွေဟာ တိကျတဲ့ပုံသဏ္ဍန် မရှိပါဘူး။ အမြဲလိုလို ပြောင်းလဲနေတဲ့ သဘောရှိတာမို့ မတည်ငြိမ်တဲ့ နည်းပညာသစ်တစ်ခုရယ်လို့လဲ မမှတ်ယူစေ ချင်ပါဘူး။

ဒီတော့ Cloud Computing ဆိုတာကို အနက်ဖွင့်ပြရ မယ်ဆိုရင်တော့ လိုအပ်ချက်အနည်းဆုံး Computer System တွေကို ဆိုလိုပါတယ်။ သင့်ကွန်ပျူတာမှာ Operating System ရယ် Web Browser ရယ် ရှိပြီး အင်တာနက် ချိတ်ဆက်မှု ပြုထားမယ်ဆိုရင် Cloud Computing ကိ်ု စတင်ထိတွေ့ခွင့်ရနိုင်ပြီလို့ပဲ ဆိုချင်ပါတယ်။ ပုံမှန်အားဖြင့် ဆိုရမယ်ဆိုရင် သင်ဟာ CV form တစ်ခုကို ရိုက်ဖို့အတွက် ကွန်ပျူတာထဲမှာ Microsoft Office Word (or) Page Maker တစ်ခုခုသော Application ကို ထည့်သွင်းထားရမှာ ဖြစ်ပါတယ်။ Cloud Computing မှာ ဆိုရင်တော့ ကွန်ပျူတာဟာ အင်တာနက်ချိတ်ဆက်ထားရှိပြီး Web Browser တစ်ခုရှိနေတာနဲ့ ကျန်တာဘာကိုမှ မလိုအပ်တော့ ပါဘူး။ အနီးစပ်ဆုံး Cloud Application တစ်ခုကို ပြောပြရ မယ်ဆိုရင် Google Docs ပါပဲ။

ဈေးဝယ်စင်တာနှင့် သင်တန်းအချို့တွင် Touch နည်းပညာသုံးပစ္စည်းများ သုံးစွဲလာ

သိရှိလိုသောအကြောင်းအရာများကို အလွယ်တကူရှာဖွေပြီး ရွေးချယ်ကြည့်ရှုနိုင်စေရန်အတွက် ကွန်ပျူတာသင်တန်းအချို့နှင့် ဈေးဝယ်စင်တာအချို့တွင် Touch Screen နည်းပညာသုံးScreen ကြီးများ ထားရှိလာသည့်အတွက် သင်တန်းစုံစမ်းချင်သူများနှင့် ဈေးဝယ်လာသူဖောက်သည်များ ပိုမိုအဆင်ပြေလာကြောင်း သိရသည်။ အဆိုပါ Touch Screen နည်းပညာသုံးပစ္စည်း များတွင် ပြည်တွင်းဆော့ဖ်ဝဲပညာရှင်များ ကိုယ်တိုင်ရေဆွဲထားသော ဆော့ဖ်ဝဲများကို ထည့်သွင်းအသုံးပြုထားခြင်းဖြစ်ကြောင်း သိရသည်။ ကွန်ပျူတာသင်တန်းတစ်ခုဖြစ်သော KMD Computer Centre တွင် သင်တန်းတက်ရောက်လိုသူများအနေဖြင့် ဖွင့်လှစ်မည့်သင်တန်းများ၊ သင်တန်းအချိန်နှင့် သင်တန်းအတွက်ကျသင့်မည့်ငွေ၊ သင်တန်းကာလ အစရှိသည်တို့ကို မိမိကိုယ်တိုင် Touch Screen နည်းပညာစနစ်သုံး ဘုတ်ပေါ်တွင် အလွယ်တကူ ၀င်ရောက်ကြည့်ရှုနိုင်ကြောင်း သိရသည်။

“ဒီစနစ်ကိုထားပေးရတာကတော့ သင်တန်းတက်ချင်တဲ့သူတွေ မိမိတက်ချင်တဲ့သင်တန်းတွေကို ကိုယ်တိုင်ရွေးချယ်နိုင်ပြီး၊ သင်တန်းနဲ့ပတ်သက်တဲ့ အချက်အလက်တွေကို အချိန်တိုအတွင်းမှာ အကုန်သိရှိနိုင်စေဖို့အတွက် ပြုလုပ်ထားတာပါ။ ဒီလိုလုပ်ထားပေးတဲ့အတွက် သင်တန်းတက် ချင်တဲ့လတွေ မိမိတက်ချင်တဲ့သင်တန်းကို ဘယ်သူ့ကိုမှမေးစရာမလိုဘဲ Touch Screen ပေါ်မှာ ကိုယ်တိုင်လက်နဲ့ထောက်ကြည့်ရုံနဲ့ အသေးစိတ်အချက်အလက်ကို သိရှိနိုင်ပါတယ်” ဟု KMD Computer Centre မှာ Deputy General Manager ကိုစိုးငွေရမှ အင်တာနက်ဂျာနယ် သို့ပြောသည်။

Shopping Centre များအတွက် ပြည်တွင်းဆောဖ့်ဝဲကုမ္ပဏီတစ်ခုဖြစ်သော Myanmar Technology Gateway မှရေးဆွဲပေးသည့် Shopping Mall Search Dierctory ဆော့ဖ်ဝဲကို Touch Screen နည်းပညာသုံးပစ္စည်းတွင် ထည့်သွင်းအသုံးပြုခြင်းဖြင့် ဈေးလာဝယ်သည့်သူများ မိမိဝယ်ယူလိုချင်သည့်ပစ္စည်းကို ဆိုင်ခန်းအမည်၊ တည်ရှိရာနေရာနှင့် မိမိဝယ်ယူလို သည့်ပစ္စည်းများ ရှိသည့် ဆိုင်များကို ရွေးချယ်စစ်ထုတ်၍ ဖော်ပြပေးသဖြင့် အချိန်မရသော ဈေးဝယ်သူများအတွက် ပိုမိုသင့်တော်သလို၊ ပစ္စည်းကို အလွယ်တကူရှာဖွေနိုင်သည့်အတွက် အချိန်ကုန်သက်သာပြီး အဆင်ပြေနိုင်မည်ဖြစ်ကြောင်း သိရသည်။

“ဒီ Shopping Mall Search Directory ဆော့ဖ်ဝဲကို သင်္ကြန်မတိုင်ခင် ကတည်း က ရေးဆွဲပြီးခဲ့တာပါ။ အရမ်းကြီးတဲ့ Shopping Mall လိုနေရာမှာ မိမိလိုချင်တဲ့ပစ္စည်းတွေကို တစ်နေရာထဲမှာအလွယ်တကူရှာနိုင်မှာပါ။ လက်ရှိမှာတော့ ဒီဆော့ဖ်ဝဲကို နေပြည်တော်မှာရှိတဲ့ Capital Hyper Market မှာ သုံးစွဲထားပါတယ်။

Shopping Mall တွေရဲ့ မည်သည့်နေရာမှာမဆို လူမြင်နိုင်တဲ့နေရာမှာ Touch Screen နည်းပညာသုံး ကွန်ပျူတာထဲကို ဒီဆော့ဖ်ဝဲထည့်သွင်းထားရုံနဲ့ Shopping Mall ထဲမှာ ရောင်းချတဲ့ဆိုင်တွေ၊ ပစ္စည်းတွေကို Brand အလိုက်ခွဲခြားပြီး၊ အလွယ်တကူရှာဖွေနိုင်မှာပါ။ ပြီးတော့ ဒီဆော့ဖ်ဝဲမှ ကြော်ငြာထည့်သွင်းလိုတဲ့အတွက် Shopping Mall ပိုင်ရှင်တွေအတွက် ၀င်ငွေပြန်ရနိုင်မှာဖြစ်သလို၊ ဒီ Shopping Marll မှာရောင်းချတဲ့ ဆိုင်ခွဲတွေရှိရင်လည်း ဆက်သွယ်နိုင်မယ့်လိပ်စာတွေကို မော်နီတာပေါ်ကနေ ဖော်ပြပေးနိုင်မှာဖြစ်ပါတယ်” ဟု Myanmar Technology Gateway မှ Assistant Manager ကိုညီညီထွေးမှ အင်တာနက်ဂျာနယ် သို့ပြောသည်။ အသုံးပြုသူများက အချိန်ကုန်သက်သာ၍ မိမိသိရှိလိုသည့် အချက်အလက်များကို တစ်နေရာတည်းတွင် အလွယ်တကူသိရှိနိုင်သည့်အတွက် သုံးစွဲသူများအဆင်ပြေပြီး သဘော ကျနှစ်သက်ကြောင်းလည်း သိရသည်။ Ref: Myanmar Internet Journal

Windows Interface ကို ဆန်းသစ်တီထွင်ထားသည့်Windows 8 ကို Microsoft သရုပ်ပြသ

အသစ်ထွက်ရှိမည့် Windows 8 interface နှင့်ပတ်သက်သည့် အချက်အလက်များကို ကာလီဖိုးနီး ယားတောင်ပိုင်းတွင် ကျင်းပခဲ့သည့် D9 ကွန်ဖရင့်စ်၌ Microsoft၏ Windows ဥက္ကဌဖြစ်သူ Steven Sinofsky ကသရုပ်ပြသခဲ့ကြောင်း သိရသည်။ ကုမ္ပဏီမှ သရုပ်ပြသချက်အရ Windows 8 Start screen သစ်သည် Windows Phone 7 ၏ ပင်မစာမျက်နှာကဲ့သို့ လေးထောင့်ကွက် များဖြင့်ပြုလုပ်ထားပြီး Windows Start menu ကိုလည်း စိတ်ကြိုက်ပြင်ဆင်နိုင်ကြောင်း သိရသည်။

ထို့အပြင် gestures, snap, pin, cloud apps စသည့် interfacet သစ်များဖြင့်အသုံးပြုနိုင်ပြီး apps နှင့် ၀န်ဆောင်မှုများအကြား ဝေမျှခြင်း၊ screen ညာဘက်ထောင့်ရှိ taskbar ကိုဖျောက်ထားခြင်း စသည်တို့အား ပြုလုပ်နိုင်မည်ဖြစ်ကြောင်း Sinofsky ကပြောကြားသည်။ Windows7 နှင့် လုံးဝမတူညီသော်လည်း Windows 7 တွင်အလုပ်လုပ်သည့် device အားလုံးနှင့် apps အားလုံးကို Windows 8 ပေါ်တွင်အသုံးပြုနိုင်ပြီး interface ၏အချိုးအစားကိုလည်း ၇ လက်မအရွယ် screen မှ နံရံအရွယ်အစား display အထိ အချိုးကျကျအသုံးပြုနိုင်မည်ဟု သိရသည်။ Microsoft သည် Windows 8 ကိုသရုပ်ပြသရာ၌ Samsun နှင့် Lenovo tablet များကိုအသုံးပြုကာ သရုပ်ပြသခဲ့သည်။ ထို့အပြင် Internet Explorer 10 နှင့် အင်တာနက်အသုံးပြုခြင်း၊ ဓာတ်ပုံများကို ကျွမ်းကျင်စွာကိုင်တွယ်အသုံးပြုခြင်းနှင့် Microsoft Office အသုံးပြုခြင်းတို့ကိုလည်း သရုပ်ပြသခဲ့ သည်။

Ref: Naung Naung - Myanmar Internet Journal

ဆဲလ်ဖုန်းအသုံးပြုမှုကြောင့် ဦးနှောက်ကင်ဆာဖြစ်ပွားနှုန်း ပိုမိုများပြားနိုင်ကြောင်း WHO သတိပေး

ဆဲလ်ဖုန်းများမှ ထွက်ပေါ်လာသည့် ရေဒီယိုသတ္တိကြွရောင်ခြည်များကြောင့် ဦးနှောက်ကင် ဆာဖြစ် ပွား မှုနှုန်း ပိုမိုများပြားနိုင်သည်ဟု ကမ္ဘာ့ကျန်းမာရေးအဖွဲ့ (WHO) မှဆုံးဖြတ်လိုက်ကြောင်း သိရသည်။ အဆိုပါဆုံးဖြတ်ချက်ကို အမေရိကန်နိုင်ငံအပါအ၀င် နိုင်ငံပေါင်း ၁၄ နိုင်ငံမှသိပ္ပံပညာရှင် ၃၁ ဦးပါဝင်သည့်အဖွဲ့၏ အကဲဖြတ်မှုများပေါ်တွင် အခြေခံ၍ပြုလုပ်ခဲ့ခြင်းဖြစ်သည်။ လက်ရှိတွင် ဆဲလ်ဖုန်း အသုံးပြုသူဦးရေ ၅ ဘီလီယံခန့်ရှိနေပြီ ၄င်းသတင်းကြောင့် ဆဲလ်ဖုန်းအသုံးပြုသူများက စိုးရိမ်ပူပန် လျက်ရှိကြသည်။

ကမ္ဘာ့ကျန်းမာရေးအဖွဲ့လက်အောက်ရှိ အပြည်ပြည်ဆိုင်ရာ ကင်ဆာရောဂါလေ့လာစမ်းစစ်ရေးအဖွဲ့ (International Agency for Research on Cancer (IARC)) မှ လူသားများတွင် ကင်ဆာရော ဂါဖြစ်ပွားစေနိုင်သည့် ရေဒီယိုသတ္တိကြွ လျှပ်စစ်သံလိုက်လှိုင်း (radiofrequency electromagn etic field) များကို အုပ်စုခွဲလေ့လာလျက်ရှိပြီး ကြိုးမဲ့မိုဘိုင်းဖုန်းများ အသုံးပြုမှုနှင့် ပတ်သက်၍ ဦးနှောက် ကင်ဆာ၏ ပထမဆုံးအကျိတ်ဖြစ်ပေါ်သည့်အဆင့် (glioma) ပိုမိုဖြစ်ပွားစေနိုင်မှုကို အခြေခံ၍လေ့လာ လျက်ရှိနေကြကြောင် IARC မှပြောကြားခဲ့သည်။

ဆဲလ်ဖုန်းအသုံးပြုကြသူများအနေဖြင့် အဆိုပါ ရေဒီယိုသတ္တိကြွရောင်ခြည်များဖြင့် ထိတွေ့မှုကို တတ်နိုင်သမျှ ကန့်သတ်လျှော့ချရန် ကမ္ဘာ့ ကျန်းမာရေးအဖွဲ့က သတိပေးထားပြီး ဆဲလ်ဖုန်း အသုံးပြုမှုနှင့် ဦးနှောက်ကင်ဆာဖြစ်ပွားမှုအကြား အလုံးစုံစပ်ဆက်မှုရှိ၊မရှိကို မူ လေ့လာ ဆန်း စစ်မှု များ ထပ်မံပြုလုပ်မည်ဖြစ်ကြောင်း သိရသည်။

Ref: HayMar - Myanmar Internet Journal

Chrome browser ၌ Gmail offline အသုံးပြုခွင့် Google ရပ်ဆိုင်း

Chrome browser ဖြင့် Gmail offline အသုံးပြုလိုသူများသည် ၀က်ဘ်နှင့်ချိတ်ဆက်၍မရတော့ပါက Microsoft ၏ Internet Explorer ဗားရှင်းအဟောင်းနှင့် Mozilla ၏ Firefox ဗားရှင်းအဟောင်း များ ကိုသာ ပြောင်းလဲအသုံးပြုရမည်ဖြစ်ကြောင်းနှင့် Chrome, Internet Explorer 9 (IE9), Firefox 4, Safari, Opera တို့မှ Gmail offline အထောက်အပံ့များကို ဖယ်ရှားတော့မည်ဖြစ်ကြောင်း Google မှပြောကြားလိုက်သည်။

Google သည် Gmail offline အထောက်အပံ့ကိုရပ်ဆိုင်းရန် ပြီးခဲ့သည့်နှစ်လခန့်ကကြေညာခဲ့ပြီး ထိုစဉ်က Gmail offline အားထောက်ပံ့ထားသည့် Gear plug-in ကိုဖယ်ရှားကာ HTML5 သို့ပြောင်းလဲအသုံးပြုမည်ဖြစ်ကြောင်းပြောကြားခဲ့သည်။ Google သည် Chrome version 12 မှစ၍ Gear ကိုဖယ်ရှားမည်ဖြစ်သော်လည်း လက်ရှိ stable ဗားရှင်းဖြစ်သော Chrome 11 တွင် Gmail offline mode ကိုအသုံးပြုနိုင်မည့် အထောက်အပံ့ကိုဖယ်ရှားခဲ့သည်။

HTML5 ဖြင့်အသုံးပြုနိုင်မည့် Gmail offline ကိုယခုနှစ်နွေမှ သာ ပြန်လည် အသုံးပြုခွင့်ပေးမည်ဖြစ် သည့်အတွက် IE9 နှင့် Firefox 4 အသုံးပြုသူများအနေနှင့် browser ဗားရှင်းအဟောင်းများဖြစ်သော IE8 နှင့် Firefox 3.6 တို့အား ပြောင်းလဲအသုံးပြုသင့်ကြောင်း Google မှအကြံပြုထားသည်။

Ref: Naung Naung - Myanmar Internet Journal

ကျနော့်၏ ချစ်ပရိတ်သတ်များနှင့် Blog ဖန်တီးရှင် သူငယ်ချင်းများသို့

ယခု IT ခေတ် ICT - Information Computer Technology ခေတ်ကြီးထဲရှိ နည်းပညာ လိုင်းပေါင်းစုံတွင် ဖန်တီးမှုပေါင်း မြောက်မြားစွာဖြင့် တည်ဆောက်လျှက်ရှိသည်ကို တွေ့မြင်ကြရပြီဖြစ်ပါသည်။ ကိုယ်ပိုင်ဘလော့ဂ်များဖြစ်စေ ကိုယ်ပိုင်ဆိုဒ်များဖြင့်  ဖြစ်စေ မိမိတို့ တင်ပြလိုရာ ဖော်ပြလိုရာ များကို တစ်နေရာတည်းမှာ စုစည်းလျှက် နေရာအနှံ့အပြားမှ ကြည့်ရှုကြစေခြင်းငှာ Web ဆိုဒ်ကောင်းကောင်း ဘလောဂ်ကောင်းကောင်းများကို ကိုယ်ပိုင် ဒိုမိန်း နာမည်များဖြင့် မြန်မာနိုင်ငံအတွင်းတွင် ဈေးနှုန်းချိုချိုသာသာ ပြုလုပ်လိုသူများအတွက် ဆိုဒ်လိပ်စာကောင်းကောင်းနှင့် ဆက်သွယ်ရမယ့်လိပ်စာ တစ်ခုကို ယခုတစ်ပတ်တွင် ဖော်ပြပေးလိုပါသည်။ http://www.pusker.com/ဟု အမည်ရသော ဆိုဒ်တွင် ကြော်ငြာထားသော နှုန်းထားများအရ အလွန်တရာမှ ဈေးနှုန်းချိုသာသော ဒိုမိန်း Hosting များကို ကိုယ်ပိုင် ဘလောဂ်ပြုလုပ်နေသူများ အဖို့ ရည်ညွန်းပေးရခြင်းဖြစ်ပါသည်။ ကျနော့်၏ ဆိုဒ်ဒိုမိန်းနာမည်ကိုလည်း များမကြာမှီ ၎င်းကုမ္ပဏီနှင့်ချိတ်ဆက်၍ လွှင့်တင်တော့မည်ဖြစ်ပါသည်။ အဘယ်ကြောင့်ဆိုသော် တစ်ခါတလေများတွင် မြန်မာ ပြည်၏ လိုင်းနှုန်းများ ပြဿနာအဖုံဖုံရှိနေသောကြောင့်လည်းကောင်း မကြာခဏ Access Die ဖြစ်နေခြင်းကြောင့် လည်းကောင်း https ရိုက်ထည့်နေရ၍ လည်းကောင်း proxy ကျော်ခွနေရသည့် အခက်အခဲများကြောင့်လည်းကောင်း ကျနော့်၏ ဆိုဒ်ဒိုမိန်းကိုလည်း ပြောင်းလဲတော့မည်ဖြစ်ပါသည်။

လေ့လာကြည့်ရှုလိုသူ ညီအစ်ကိုမောင်နှမများအနေဖြင့် http://www.pusker.com/ တွင် Hosting ကျသင့်ငွေ နှုန်းထားများကို ၀င်ရောက်ကြည့် ရှုနိုင်ကြပြီး သူတို့ကြော်ငြာထားသည့်

***** ဈေး အသက်သာဆုံးဖြစ်ရမည်။ MB ဖြင့် ဘယ်တော့မှ မပေးပါ။ free hosting ကိုပင် 1GB ပေးထားပါသည်။
***** ၀ယ်ယူသူတိုင်း စိတ်တိုင်းကျစေရန် တာဝန်ယူသည်။
***** ပါဝင်သော Feature များ တခြားဆိုဒ်များထက် လုံးဝ သာလွန်ရမည်။
***** ပြောထားသည့်အတိုင်း မပါဝင်ပါက ငွေပြန်အမ်းမည်။ (Pusker Group) ဆိုထားသည်က စိတ်ဝင်စားစရာပါ။

ကဲကျနော်နဲ့အတူတူ  လေ့လာကြည့်လိုက်ကြရအောင်။

၂၀၁၁ အတွက် နည်းပညာအသစ် Bluetooth မိုဘိုင်းဖုန်းလိုင်းလွှဲစက်

၂၀၁၁ ခုနှစ်အတွက် နည်းပညာသစ်များဖြင့်ပြုလုပ်ထားသော မိုဘိုင်းဖုန်းလိုင်းလွှဲစက်အသစ်တစ်မျိုး ပြည်တွင်းဈေးကွက်အတွင်းသို့  ။ အဆိုပါလိုင်း လွှဲစက်မှာ ယခင်ကထွက်ရှိခဲ့သော လိုင်းလွှဲစက်များနှင့် ပုံစံချင်းမတူညီသည့်အပြင် အသုံးပြုနိုင်ပုံချင်း များတွင်လည်း ကွာခြားလျက် ရှိကြောင်း သိရ သည်။ ယင်းလိုင်းလွှဲစက်မှာ လိုင်းလွှဲစက်သီးသန့်ပုံစံမျိုးမဟုတ်ဘဲ ဟန်းဖုန်းတစ်လုံးအနေဖြင့်ပါ ကိုင်ဆောင်အသုံးပြုနိုင်မည်ဖြစ်သည်။ အဆိုပါလိုင်းလွှဲ စက်၏အမျိုးအစားမှာ Vtech LS6245 ဖြစ်ပြီး Bluetooth စနစ်သုံး လိုင်းလွှဲစက်အမျိုးအစားတစ်ခုဖြစ်သည်။ ၎င်းစက်တွင် လိုင်းခွဲစနစ်များအနေဖြင့် သုံးလိုင်းခွဲကာ အသုံးပြုနိုင်မည်ဖြစ်ပြီး လိုင်းဖုန်း (ကြိုးဖုန်း)တစ်လိုင်းနှင့် မိုဘိုင်းဖုန်း၊ ဟန်းဖုန်းနှစ်လိုင်း စုစုပေါင်း သုံးလိုင်းခွဲကာ အသုံးပြုနိုင် မည်ဖြစ်သည်။

ယင်းစက်တွင် အထိုင်စက်နှင့် ဟန်းဆက်နှစ်ခုတွဲပါဝင်ပြီး အထိုင်စက်တွင် လိုင်းဖုန်းချိတ်ဆက်ရန်အတွက် လိုင်းဖုန်းပေါက်တစ်ပေါက်ပါဝင်ပြီး မိုဘိုင်း ဖုန်းဟန်းဆက်များအား Bluetooth စနစ်ဖြင့် ချိတ်ဆက်အသုံးပြုရမည်ဖြစ်သည်။ အထိုင်စက်အား ပါဝါဖွင့်လိုက်သည်နှင့်တစ်ပြိုင်နက် Bluetooth စနစ်မှ အလိုအလျောက်ချိတ်ဆက်ထားမည်ဖြစ်ပြီး မိမိတို့၏ မိုဘိုင်းဖုန်းများအား စက်နှင့် အနည်းဆုံးပေသုံးဆယ်ခန့်အကွာအဝေးထိ ထားရှိနိုင် မည်ဖြစ်သည်။ မိုဘိုင်းဖုန်းများနှင့် အထိုင်စက် ချိတ်ဆက်မိပါက စက်တွင်ပါဝင်သောဟန်းဆက်အား ယူဆောင်ကာအသုံးပြုနိုင်မည်ဖြစ်သည်။ ယင်း ဟန်းဆက်တစ်လုံးတည်းဖြင့်ပင် လိုင်းဖုန်းနှင့် မိုဘိုင်းဖုန်းနှစ်လုံးအား တစ်ပြိုင်နက်အသုံးပြုနိုင်မည်ဖြစ်သည့်အပြင် ယင်း Bluetooth လိုင်းလွှဲ ဟန်းဆက်အား မိုဘိုင်းဖုန်းများ၊ အထိုင်စက်များနှင့် မီတာတစ်ထောင်ခန့်ထိ သယ်ဆောင်အသုံးပြုနိုင်မည်ဖြစ်သည်။

ယင်းလိုင်းခွဲစက် တွင်ပါဝင်သော ဟန်းဆက်တစ်ခုတည်းဖြင့်ပင် ချိတ်ဆက်ထားသောလိုင်းဖုန်းနှင့် မိုဘိုင်းဖုန်းများအားလုံးအား အသုံးပြုနိုင် မည်ဖြစ်ခြင်း ကြောင့် ဖုန်းများအများအပြား သယ်ဆောင်သွားရန်မလိုအပ်ပဲ အလွယ်တကူအသုံးပြုနိုင်မည်ဖြစ်သည်။ မိမိချိတ်ဆက်ထားသော ဖုန်းသုံးလုံးမှ မည်သည့်ဖုန်းက ဖုန်းဝင်လာသည်ဖြစ်စေ ရောက်ရှိရာနေရာအကွာအဝေးမှ သိရှိနိုင်ပြီး ဖုန်းကိုင်နိုင်မည်ဖြစ်သည်။ အထိုင်စက်နှင့် လိုင်းလွှဲဟန်းဆက် များအားလုံးမှာ Bluetooth စနစ်များဖြစ်သည့်အပြင် LED Back Light စနစ်၊ Capacitive All Touch Screen စနစ်များဖြစ်သည်။ ၎င်းစက်အား အသုံးပြုထားခြင်းအားဖြင့် မိုဘိုင်းဖုန်းများအား သယ်ဆောင်သွားခြင်းကြောင့် လိုင်းမမိခြင်းအခက်အခဲများအား အကောင်းဆုံးဖြေရှင်းပေးနိုင်မည်ဖြစ်ပြီး ဖုန်းများအား လိုင်းမိရာနေရာတွင်ပင်ထားရှိခဲ့ပြီး အထိုင်စက်နှင့် ပေ ၃၀ ခန့်အကွာတွင် ထားခဲ့နိုင်မည်ဖြစ်ပြီး လိုင်းလွှဲဟန်းဆက်ဖြင့်ပင် သတ်မှတ် ဧရိယာအတွင်း သယ်ဆောင်သွားလာအသုံးပြုနိုင်မည်ဖြစ်သည်။ အဆိုပါလိုင်းခွဲစက်တစ်လုံးဖြင့် ဖုန်းလိုင်းများအား ချိတ်ဆက်ထားပြီး နောက်ထပ်အထိုင် Bluetooth လိုင်းခွဲအသေးလေးများဖြင့် ထပ်မံချိတ်ဆက်ကာ လုပ်ငန်းသုံး၊ ရုံးခန်းသုံး လိုင်းခွဲစနစ်ဖုန်းများအဖြစ်ပါ အသုံးပြုနိုင်မည်ဖြစ်သည်။

Ref: Internet Journal