ရတနာပုံတယ်လီပို့ကုမ္ပဏီက စတင်ရောင်းချလျက်ရှိသော မက်ဝဲလ်အင်တာနက်လိုင်းများကို ကြိုတင်ငွေပေးကတ်များနှင့် တွဲဖက်သုံးစွဲရမည်ဖြစ်ကြောင်း ထိုကုမ္ပဏီတာဝန်ရှိသူတစ်ဦးက ပြောကြားသည်။ ထို အင်တာနက်လိုင်းများအတွက် ကြိုတင်ငွေပေးကတ်များကို Asia Mega Link ကုမ္ပဏီကဖြန့်ချိရောင်းချမည်ဖြစ်ပြီး ကျပ် ၁၀,၀၀၀ နှင့် ကျပ်၃၀,၀၀၀ ဟူ၍ နှစ်မျိုးခွဲခြားရောင်းချမည်ဖြစ်ကြောင်း သိရသည်။ “ကြိုတင်ငွေ ပေးကတ်တွေကို Asia Mega Link ကနေတဆင့် ရောင်းချသွားမှာပါ။ တပ်ဆင်မှုအပိုင်းကိုတော့ Myanmar Digital Signature နဲ့ Cyber Net Technology တို့ကလုပ်ဆောင်သွားမှာပါ။ ဒီကုမ္ပဏီနှစ်ခုကတော့ ရတနာပုံတယ်လီပို့နဲ့ပူးပေါင်းပြီး ဖိုင်ဘာအင်တာနက်သွယ်တန်းမှုလည်း ပြုလုပ်မှာပါ” ဟု၎င်းကပြောသည်။ ကြိုတင်ငွေပေးကတ်များမှတစ်ဆင့် အင်တာနက်သုံးစွဲခပေးချေရာတွင် အင်တာနက်အမြန်နှုန်း 128 Kbps ဖြစ်ပါက တစ်မိနစ်လျှင်နှစ်ကျပ်နှုန်း၊ 256 Kbps ဖြစ်ပါက တစ်မိနစ်လျှင်သုံးကျပ်နှုန်း၊ 512Kbps ဖြစ်ပါက တစ်မိနစ်လျှင်ခြောက်ကျပ်နှုန်းနှင့် 1Mbps ဖြစ်ပါက တစ်မိနစ်လျှင် ရှစ်ကျပ်နှုန်းဖြင့် ပေးချေရမည်ဖြစ်သည်။ ယခုအခါ မက်ဝဲလ်စနစ်ကို အင်တာနက်လိုင်းအဖြစ်သာ ချထားပေးလျက်ရှိပြီး ဖုန်းလိုင်းအဖြစ်တွဲဖက်သုံးစွဲရန်အတွက်မူ ချထားပေးခြင်းမရှိသေးကြောင်း သိရသည်။ “ဖုန်းလိုင်းရဖို့ကတော့ နောက်ပိုင်း အစီအစဉ် တွေဖြစ်သွားပါပြီ။ ရန်ကုန်၊ မန္တလေးနဲ့ နေပြည်တော်မှာချထားပေးနေတာကတော့ မက်ဝဲလ်အင်တာနက်လိုင်းပါပဲ” ဟု ၎င်းကပြောသည်။ မက်ဝဲလ်အင်တာနက်လိုင်း လျှောက်ထားမည်ဆိုပါက ကနဦးတပ်ဆင်ခ ကျပ်ငါးသိန်းနှင့် နှစ်စဉ်ကြေး ကျပ် ၆၀,၀၀၀ ကို ပေးသွင်းရန်လိုအပ်ပြီး အင်တာနက်လိုင်းအတွက် တွဲဖက်သုံးစွဲရန်အထိုင်စက်ကိုလည်း ၀ယ်ယူရန်လိုအပ်သည်။
မြင့်ကျော်လှိုင် - ရေးသားသည်
အင်တာနက်ဂျာနယ်မှ ကူးယူဖော်ပြပါသည်
No comments:
Post a Comment