Mark Zuckerberg
တစ်ရက်ထဲကို Facebook ပေါ်တင်တဲ့ စာမျိုးစုံက တစ်ဘီလျံ(သန်းတစ်ထောင်)ကျော်ပါတယ်။ ဖေ့စ်ဘွတ်ခ်မှာ လူဦးရေဟာ တရုတ်နှင့်အိန္ဒိယပြီးရင် ကမ္ဘာပေါ်မှာ တတိယအများဆုံးဖြစ်လာပါတယ်။ အဲသလောက် နိုင်ငံသားပေါင်းစုံ လူမျိုးပေါင်းစုံ ပါဝင်တဲ့ Information လူမှုကွန်ယက်မျိုး ဘယ်အစိုးရမှ မလုပ်နိုင်သေးပါဘူး။ သူဟာ ဟားဗတ်တက္ကသိုလ်ကနေ ကျောင်းမပြီးပဲ ကျောင်းထွက်ခဲ့သူပါ..ဟုတ် တိုင်းမ်မဂ္ဂဇင်း မန်နေဂျင်း ဒါရိုက်တာက ပြောပါတယ်။ ဇာခါဘတ်ဂ် ကို Forbes မဂ္ဂဇင်းရဲ့ အသက်အငယ်ဆုံး ဘီလျံနာ စာရင်းတွင် ဖော်ပြထားပြီး ဖွံ့ဖြိုးဆဲတိုင်းပြည်များကို အကြီးအကျယ် အလှူဒါနပြုနေသည် ဖြစ်သည်ဟု ဆိုပါသည်။ အသက် ၁၉ နှစ်တွင် ဟားဗတ်တက္ကသိုလ်မှ ထွက်ခဲ့ပြီး ၂၀၀၄ ခုနှစ်တွင် www.facebook.com ကို စတင်ထူထောင်ခဲ့သည်။ ၂၀၁၀ခုနှစ်တွင် သူ့လုပ်ငန်းမှ ဒေါ်လာနှစ်ဘီလျံ အမြတ်ရရှိခဲ့ပါသည်။
Julian Assange
ဝီကီလိခ်စ်က ယိုစိမ့်ထွက်လာတဲ့ ဖိုင်များ တစ်ဖိုင်ချင်း တစ်ချင်း ဖွကြတာနဲ့အမျှ နိုင်ငံတစ်ခုချင်း အလိုက်ပြဿနာများက မီးခိုးကြွက်လျှောက် ဖြစ်ခဲ့ရသလို အမေရိကန်အစိုးရအတွက်လည်း ဂျူလီယန်အက်စ်ဆန်း မှာ သူတို့ရဲ့ ရန်သူဖြစ်သွားခဲ့ပါသည်။ အသက်(၃၉)နှစ်ရှိ သြစတေးလျနိုင်ငံသား ဂျူလီယန်အက်စ်ဆန်းမှာ အလွန်ပွေလီရှုပ်ထွေးနေတဲ့ ကွန်ပျူတာစနစ်များကို ထွင်းဖောက် (Hack)နိုင်သူဖြစ်ပြီး၊ သူ့ဘလောဂ့် iq.orgမှာ လူသိများပြီး သင်္ချာ၊ ဖလော်ဆော်ဖီကနေ အီရန်အစိုးရ ဆင်ဆာတားမြစ်မှုအထိ သူ့အမြင်မျိုးစုံကို ရေးသားထားသည်။ ၂၀၀၆ ခုနှစ်တွင် နိုင်ငံရေးလှုပ်ရှားသူတပိုင်း၊ ဂျာနယ်လစ်တပိုင်း လုပ်ဖို့ ၀ီကီလိခ်ကို စတင်ထူထောင်ခဲ့သည်။ သူ့ ၀ီကီလိခ်က အစိုးရများ၊ ကော်ပိုရေးရှင်းများ၊ ကျော်ကြားသူများရဲ့ အတွင်းသတင်း အနှံ့ပေါင်းစုံ၊ မူလအချက်အလက်ရင်းမြစ်ပေါင်းစုံကို အများသိအောင် ဖွင့်ချပေးခဲ့သည်။
၂၀၁၀ ဇူလိုင်လတွင် အာဖဂန်စစ်ပွဲနှင့် ပတ်သက်တဲ့ လျှို့ဝှက် အထောက်အထား ၉၀၀၀၀ ကျော်အထိ သူ့ဆိုဒ်က ထုတ်ပြန် ဖြန့်ချိခဲ့သည်။ အမေရိကန်သမိုင်းတွင် ပထမဦးဆုံး ထောက်လှမ်းရေး အချက်အလက် ယိုစိမ့်မှုကြီးဖြစ်သည်။ အောက်တိုဘာလထဲမှာ ၀ီကိလိခ်က အီရတ်စစ်ပွဲနှင့်ပတ်သက်တဲ့ အထောက်အထား အချက်အလက်ကို ထပ်ထုတ်ခဲ့သလို သံတန်ဆိုင်ရာ အချက်အလက်ပေါင်း ၂၅၀၀၀၀ ကျော်ကို အားလုံး ဖတ်နိုင်အောင် ၀ီကီလိခ်ပေါ် ထပ်တင်ပေးခဲ့သည်။ သာမန်လူထုကတော့ ၀ီကိလိခ်ကို လွတ်လပ်စွာ ပြောဆိုခွင့်အတွက် ချီးကျူးထောပနာပြုကြသည်။ သို့သော် အိမ်ဖြူတော် ပင်တဂွန် အပါအ၀င် အစိုးရအများစုက ကမ္ဘာ့လုံခြုံရေးကို ဖျက်လိုဖျက်စီး လုပ်နေတဲ့ Website ဟု သတ်မှတ်ခဲ့ပြီး ဂျူလီယန်အက်စ်ဆန်းကို အမျိုးမျိုး ခြိမ်းခြောက်နေမှုများ ရှိနေခဲ့သည်။
ဆွီဒင်နိုင်ငံ စတော့ဟုမ်း တရားရုံးက မိန်းကလေးတစ်ဦးကို အဓမ္မပြုကျင့်မှုနဲ့စွပ်စွဲပြီး အက်စ်ဆန်းကို ဖမ်းဝရမ်းထုတ်ခဲ့သည်။ သို့သော် သူ့ကို စွဲချက်တင်ထားသော အမှုများမှာ နိုင်ငံရေးရည်ရွယ်ချက်ဖြင့် လုပ်ဆောင် ခြင်းဖြစ်သည်ဟု တချို့က ဆိုကြသည်။ ဂျုလီယန်အက်စ်ဆန်းရဲ့ ခံယူချက်နှင့် ရည်ရွယ်ချက်ကတော့ တကမ္ဘာလုံး လုံးဝပွင့်လင်းမြင်သာမှုရှိရေး (Total Transparency)နှင့် လွပ်လပ်စွာ ဖော်ထုတ်ပြောဆိုခွင့် ရရှိဖို့ ဟုဆိုသည်။
Ref:ALinYaNant
No comments:
Post a Comment